شيرت دريس : بثلاث تنسيقات مختلفه

بسم الله الرحمن الرحيم 

اليوم باكتب تدوينه خفيفة لطيفة ... باتكلم عن قطعه شيرت دريس .. 

اتوقع الاغلب عنده هالقطعة .. وبانسق لها ثلاث تنسيقات مختلفة .. 

ان شاء الله تعجبكم .. 

هذا فستان شيرت دريس بسيط اللي يعجبني بالقطعه هذي انو ممكن تنسقين لها 

اكثر من تنسيق .. وحسب تنسيقك لها تجددين اللوك 

يعني اقدر اقول عنها قطعه ماتموت او خلينا نقول عنها قطعه اقتصاديه ... 

١- مع جاكيت جينز 

طبعا اللي قروا منكم التدوينات اللي قبل يعرفون كيف انا مغرمه بجاكيتات الجينز 

حبيت اضيف له جاكيت جينز وهو تنسيق بسيط ينفع فطلعه مع صاحباتك او لو احد تمونين عليه 

جايك البيت او شي زي كذا 

٢- مع فيست 

بالتنسيق هذا اضفت فيست من جيوردان .. واضفت له حزام حسيت له اضاف للفستان .. 

وهذا اكثر تنسيق أحبه معه .. 

٣- مع سويتر اوفر سايز 

 فهذا التنسيق حبيت اثبت ان هالقطعه جدا اقتصادية هههههه .. يعني ممكن تلبسينها شتاء صيف 

بحسب اللي تضيفينه لها .. 

انا اضفت له سويتر اوفر سايز رمادي يمكن يكون فيه الوان تناسبه اكثر .. بس هذا اللي كان عندي 

وحبيتكم تشوفون كيف ممكن نستفيد منها فالشتوية .. 

طبعا لو السويتر اخف ممكن تضيفين له حزام ... اتوقع بيطلع اجمل .. 

بس عموما انا بلوكاتي احب الاوفر سايز ههه احب الراحة هههه 

فالنهاية اتمنى تكون التدوينه ألهمتك 

لو كان عندك قطعه زي كذا وحبيتي تتنسقين لها اكثر من تنسيق 

..