بما انو احنا على نهاية عام ٢٠١٤ .. وبداية عام ٢٠١٥ ربي يجعلها سنة خير وبركة وعزة وانتصار
للجميع ..
حبيت تكون هالتدوينه عن مفضلاتي لعام ٢٠١٤ ونصائح للتخطيط لعام ٢٠١٥
خلونا نبدا
""مفضلاتي لعام ٢٠١٤ ""
جهاز PMD جهاز لتقشير البشره اتوقع الكل يعرفه اعترف اني ما استخدمه بشكل منتظم
بس بصراحة جميل جدا بس طبعا موب سحر يعني بعد يمكن ٤ استخدام له تبدين تلاحظين التغير
فيه منهم يقولون انه يعالج التجاعيد ما ادري بصراحة بس انا احسه يعطيني بشره فرش ونظيفة وجميله
يجي معها سي دي وادوات لتبديل اداة التقشير
وع حسب نوع بشرتك تختارين القمع اللي يناسبك ..
باليت نود من ذا بالم اكثر باليت استهلكته الوانه قالوا انها واضحه ما اشوفها واضحة مره
بس برضو موب انها ماتبان
sassy استخدمه لمدمع العين و كمان sultry ارسم فيه الحواجب
الخلاصة انه جميل جدا جدا واقتصادي وفوائده متعدده ماتندمت ابد اني شريته
عملي الفني هههههههه ... لا جد فخوره جدا جدا بالقاعدة اللي سويته
حسيته بينت فاخره من غير ماتكون مكلفة او حتى محتاجة شغل
الماسكرا هذي من برجوا .. افضل ماسكرا استخدمتها
سبق واستخدمت ايف سان لوران جميله بس بعد ماجربت هذي
ماعاد استغني عنها بصراحة وخصوصا بعد طريقة تكثيف الرموش ببودرة جونسون
صرت احيانا لو المشوار بسيط وموب محتاج تكلف اكثف رموشي وكنتور وروج غامق شوي وووبس
عشان اكون صريحة هو لحاله موب حلو بالعكس يقلب ع رمادي ..
بس انا استخدم معها فاونديشن كلينك التون حقه وردي ويطلع مضبوط
اكثر من لو استخدم الفاونديشن لحاله ..
بس بصراحة اللي مدحوه لحاله ماعندهم سالفه هههههه
بس لو خلطتيه مع الفاونديشن تبعك بيطلع بطل
الباق هذي طلبتها من اسوس من تيد بيكر كنت حاسه ان حجمها
كبير بس طلع حجمها مرررره
كيوت وجميل مكتوب انها مصنوعه من الجلد الطبيعي
خفيفة وع صغر حجمها تشيل اشياء كثير داخلها
يمكن كثير منكم يقولون يتغير اللون مع العبايه وكذا
صراحة انا مالاحظت ويمكن عشان انا ما اخذها معي فمشوار طويل
هذي افضل ثلاث تطبيقات مفيده فجوالي المصلي توقيته دقيق ولكل المناطق
مفيد جدا فرمضان الله يبلغنا اياه .. والقرآن الكريم من بنك التمويل الكويتي معاه تفسير
وتختارين التفسير اللي تبغينه وممكن يقرا لك الاية جميل جدا ...اخر تطبيق اللي مرررره فادني وحسيته
رتب لي وقتي ومواعيدي هو التقويم الهجري .. اولا بامكانك تبدلينه بتقويم ميلادي وتضيفين مواعيد
وتختارين ايقونه للموعد سياره او ابره او بيت او او او ..
وتبغينه بوقت او بدون وقت وتبغين يكون فيه منبه او لا ... بس مررره مفيد اذا رجعت وشفت المواعيد
والاشياء اللي انجزتها احس بالسعاده
هذا بالنسبة للمفضلات .. اما بالنسبة للتخطيط للعام الجديد كثير بلوقرز تكلموا ووفوا وكفوا
بس اللي احب اقول انو :
١- خلي اهدافك معقولة .. يعني لو ماتحبين القراءة لا تخلين من اهدافك انك تقرين عشر كتب هالسنة
لا خليهم ثلاثة ولو زدتي بتكونين تمكنتي من الهدف هذا وصرتي قارئ جيد
٢- لو كان عندك هدف يحتاج خطوات او مراحل حددي الوقت اللي بتخلصين فيه كل مرحلة
مثلا لو بتحفظين ٣اجزاء من القران قسمي السنة لثلاث اجزاء وكل جزء من الوقت تحفظين فيه جزء واحد
٣- لا تخلين كل اهدافك مرتبطة بشي مادي زي اشتري كذا وابغى كذا وباسوي كذا وكلهم
يكون مايحققهم الا الفلوس .. لانو لو انضربت ميزانيتك ماراح تحققينهم وراح يجيلك احباط
٤-خلي اهدافك واضحة زي مثلا تبغين تكونين قارئة جيده اختاري عدد الكتب اللي بتقرينهم
ولو بتختارين نوعيتهم او عندك اسماء كتب عاجبتك سجليها كذا يكون هدفك واضح
هذا اللي اقدر انصحك فيه فتخطيطك
بالنسبة لي انا ما أؤمن بحكاية انو نخطط قبل كل سنة وكذا لانو
انا على طول اخطط واحاول انفذ مو مرتبط بيوم او تاريخ او كذا يعني
متى ماحسيت ان لستتك تبغى تغيير غيريها
ما انكر اني سجلت لستت اهداف بس اهدافي كانت شي بديته من السنة اللي فاتت
او اشياء معنوية اكتسبها بالمران ..
وووبس
