**
اليوم باتكلم عن ال color block وهو باختصار انك تمزجين لونين قويات زي مثلا بينك واحمر مع بعض
او ازرق واحمر ويكونون كلهم بنفس قوة اللون او ممكن تضيفين اكثر من لونين حتى ..
طبعا يمكن من ال ٢٠١١ طلعت هالموضة .. وخفت بس ماتلاشت
واللحين راجعه موبس فقطع انتي تدمجينه ممكن فقطعه يكونون مدموجين سوا
وهو الشي اللي لاحظته لهالموسم
***
هذي نماذج ع ال color block
لو حابة هاللوك انا باساعدك واعطيك خطوط عريضة
فطريقة الدمج
١- ابدي بلونين
لو كنتي اول مره تدمجين لونين زي كذا .. فالافضل تدمجين بين لون محايد ولون مشرق
الالوان المحايده زي (الابيض والاسود والرمادي البيج العاجي .. الخ )
وادمجيهم مع لون مشرق زي ( الاحمر الاصفر الازرق ... الخ )
وراح تطلعين باوتفيت جميل وانيق وع الموضه
٢- اختاري لون ثالث ورابع
عشان يسهل عليك ادخال الوان للبسك اختاري لون يكون من درجات الوان لبسك
يعني مثلا لو كنتي لابسه احمر وازرق اختاري اللون الثالث يكون بينك مثلا او لو لابسه ابيض
وبرتقالي اختاري قطعه ثالثه بلون مشمشي وهكذا
٣- استخدمي الاكسسواريز
الاكسسواريز من باق او كلتش او احزمه او شوز تكمل اللبس لو مثلا كنتي مختاره لونين
اختاري لون الاكسسواري بدرجات الوان لبسك اما لو من الاساس لبسك فيه ثلاث الوان
الافضل تختارين الدرجة اللي انتي دامجتها معهم وتستخدمينها فالاكسسواريز
ابتعدي عن الاكسسواريز المعقدة واللي فيها تفاصيل والوان كثيره ..
٤- لا تستخدمين التطبيعات
التطبيعات بتضيف تعقيد للبس وبيطلع اوفر
فالافضل تحافظين عليه انيق ومرتب اساسا انتي جالسه تدمجين الوان قوية مع بعض
فما ينفع تدمجين قطعه زياده تكون فيها برينت ممكن تخلي المظهر العام مزعج للعين
٥- القطع المنفصله
عشان تسهلين ع نفسك اللوك الاسهل تكون تنوره وتوب او بنطلون وتوب يعني تكون قطع منفصله
اما اذا كنتي تبغين تطبقين ال color block ع فستان فتلاعبي بالاكسسواريز بلايزر او كارديقان او شوز
عشان تعطيك طلة colorblock
٦- جربي بنفسك
طبعا سبق وقلت فاكثر من مره في سلسلة كيف ألبس
انا ممكن اعطيك رولز تساعدك بس انتي ممكن تتلاعبين وتطلعين بلوك وانتي كاسره واحد
من هالرولز مافي شي يقدر يثبت اذا هالشي جميل او لا الا انك تلبسينهم وتجلسين قدام المراية
وتشوفين اللوك النهائي yay or nay??!
ليست هناك تعليقات:
إرسال تعليق