إيش الترندي ؟؟.. : 2015

السلام عليكم ورحمة الله

.. 

التدوينه اليوم عن توجهات الموضة لربيع ٢٠١٥ .. اللي شفناها فأسابيع الموضة اللي فاتت .. 

أنا من الناس اللي دايما اتمنى القى ملخصين لي موضوع الترندي بصفحة وحده ههههههه.....احب اشوف العروض باسابيع الموضه بس بصراحة احيانا مايكون عندي الوقت الكافي اني اشوف كللل شي ..فبعض الاحيان اختصر الموضوع ع الدور والمصممين اللي أحبهم .. 

فكرت انو في ناس كثير زيي ويمكن اكثر مني ماعندهم وقت كفايه وفالمقابل حابه تعرف ايش التريندي وايش الموضه حاليا .. 

فأنتم يالاشخاص اللي ماعندكم وقت ..هذي التدوينه لكم 

من أبرز الألوان اللي برزت ف الرنواي 

الأحمر :

شفناه بأكثر من عرض وبأكثر من درجة وخصوصا البرغندي الخمري 

الاصفر: 

برز كثير فالرانوي وشفناه بعرض مايكل كورس وكارولينا هيريرا وغيرهم.. 

الازرق:

الفستانين اللي ع اليمين قتلوني  .. 

توب او شيرت تحت الفستان:

اللوك هذا شوي غريب ومو مقبول بكل حاله يعني المفروض يكون الشخص عارف كيف يدخل قطعتين ببعض 

وهل مناسب انو هالفستان يتدخل تحته شيرت او لا ؟! 

بس احس كفكره بتكون كثيره التداول ومرحب فيها بمجتمعنا طبعا بعد مانتقبلها شوي

تنوره تحت الفستان:

من الواضح انو الفستان ماعاد يكفي لحاله هههه  .. برضو احس الموضه هذي بتكون دارجة عندنا وبتطول ع ماتموت زي البوي فريند اللي كرهته من كثر ما اشوفه

تطبيعات الطبيعه :

طبعا لها فتره دارجة تطبيعات الطبيعه بدءا بالفلورال والتروبيكال ولازالت دارجة 

الياقة:

مدري اش تتسمى صراحة .. بس الياقات اللي تكون زي الصوره واشوفها من فتره دارجة 

القماش الشفاف :

برضو ما عرفت اترجمها

بس الفكره اتوقع واضحة انو اللبس اللي يكون شفاف واللي تحته واضح وشفناها كثير بالرانوي وكمان لبسوها كثير مشاهير 

الهدب:

طبعا هذي الموضه تخف وترجع بقوه كل مره

وهالسنه شفناها رجعت بكثير من الفساتين والقطع ع الرانوي 

الستريبد (المخطط):

طبعاهالموضة كانت دارجة من سنتين وكانت بارزه بالاسود والابيض

وللحين دارجة بمختلف الالوان والاحجام 

الحذاء الروماني :

كان دارج اتوقع من سنه وبرضو للحين دارج ..

حبيت النود الاثنين ❤

ال cape:

طبعا هذي من اجمل الاشياء اللي فتنتني سواء كان فستان او توب ..او جاكيت

طبعا هو فكرته انو يكون اللبس بدون اكمام وتكون فيه فتحه تطلع منها اليد <كيف الشرح

اتوقع الاغلب فاهمين وعارفينها لانو كانت دارجة اتوقع من الشتا اللي فات ..

التطبيعات البارزه او القماش البارزه :

يسمونها الثري دي بس ماعرفت اترجمها كويس بس الفكره انو ما يكون قماش ساده لا يكون بارزه التطبيعات فيه زي الورود والهدب وكذا .. ترا ما اعرف اشرح بس اتوقع الصوره واضحه

....

وبالاضافه لهالموضات فيه اشياء ثانيه زي الستايل السبورت والالوان الترابيه ...الخ 

هذي كانت أبرز الموضات اللي شفناها ع الرانوي بالاسابيع اللي فاتت .. 

وووووبس