كلنا لاحظنا انو دمج التطبيعات صار دارج السنه هذي .. وبرضو شفنا انواع تطبيعات اندمجت ببعضها بشكل
جميل ماتوقعنا فيوم من الايام انو ممكن يكونون بهالجمال والاناقة مع بعض
اذا حابة تدمجي تطبيعتين بطريقة اليقنت ومو عارفة شلون انا باعطيك تسع نقاط اساسية لدمج التطبيعات ..
١-اختاري تطبيعتين فيهم نفس اللون
يعني لو حابة تدمجين تنوره فيها خطوط ابيض وازرق حاولي يكون التوب فيه لون ازرق او ابيض او كلهم موجودين فيه يعني يكونون القطعتين يكملون بعض
٢-ادمجي قطعتين من نفس التطبيعة
يعني ادمجي الانيمل برينت مع بعض والفلورال مع بعض والسكارف برينت مع بعض وهكذا ..
٣-الخطوط تقريبا ماشي مع كل شي تقريبا
لو عندك قطعه ستريبد لا تسألين ايش ادمج معها كل شي يمشي معاها .. السكارف برينت الفلورال الديجتال
النقط اي شي
٤-النقط برضو ماشي مع كثير اشياء
صحيح مو زي قوة الخطوط لكن برضو ممكن تدمجينها مع قطع كثيرة جدا
٥- ادمجي اي قطعتين اسود وابيض
اذا عندك اي قطعة فيها تطبيعة اسود وابيض ادمجيها مع اي قطعه ثانيه بتطبيعة اسود وابيض
يعني لو تدمجين خطوط مع ديجتال فلورال مع نقط اي شي بس يكونون الوانهم بالاسود والابيض
٦- اختاري قطعة وحده جريئه
اختاري قطعة جريئه والباقي حولي تكون تطبيعته بسيطه وناعمه
يعني بمعنى يكون التركيز ع قطعه وحدهبتطبيعه قوية وبارزه والباقي يكون بسيط ومايغطي عليها ..
٧- حافظي ع التوازن بين القطعتين
برأيي هذي اهم نقطه ..يعني لو حاولي وحده من التطبيعات تكون تطبيعاتها كبيره وبارزه والقطعه الثانيه صغيره
يعني مثلا لو عندك تنوره نقطها كبيره التوب المناسب لها يكون مثلا فلورال بس تكون الورود صغيره ..
٨-فاصل بين التطبيعتين
لو مو حابة اللوك يكون اوفر وتبغين يكون سمبل افصلي بين التطبيعتين سواء بحزام او لو مثلا الجاكيت والتنوره اوالبنطلون فيهم تطبيعات يكون التوب ساده
مافيه شي بيثبت لك ان القطع ماشيه مع بعضها الا لما تلبسينهم وتجلسين قدام المرايا وتتأكدين من هالشيء .. لو كان لوكك جريء ممكن تتكسرين كثير من القواعد ومع ذلك يطلع اللوك اليقنت ورائع .. فالحل الوحيد هو انك تجربين القطع مع بعض وتشوفين ..
النقاط هذي مو مقتصره ع الفاشن ممكن تكون مفيده جدا في الديكور
...
لو أفدتك وطبقتي النصائح هذي وطلعتي بلوك جميل .. منشنيني ع الانستا
@queenmeeemooo
نشوف تنسيقاتكم الجميلة 😍🌹
وووبس
ليست هناك تعليقات:
إرسال تعليق