بالتدوينه هذي راح اتكلم عن منتج اتوقع كلنا اذا مو عندنا فهو مر علينا اكيييد
اللي هي (بودره جونسون ) تراااااا ههههه
طبعا من زمان اسمع واقرا استخدمات غير اعتياديه لبودره جونسون
وكل مره تبهرني البودره هذي بقدرتها على الصمود وعلى التجدد وابتداع استخدامات غير معهوده ههههه
اليوم راح اذكر ثلاث استخدامات لبودره جونسون الاولى لشعرك والثانيه لشفايفك والثالثه لرموشك
بسم الله نبدا
١-كيف ممكن استخدمها شعري؟
(ادري اني من الناس اللي يحبون يرقمون ويجزأون كثير بس احس كذا افضل ولا ؟ )
الاستخدام هذا للناس اللي شعرهم اويلي جدا وانا منهم فطريقة استخدامه انك تستخدمينه كبديل للشامبو الجاف ..
يعني تنثرين البودره ع فروه الراس وتوزعينها تلاقينها خففت دهنية شعرك ..
٢-كيف استخدمها لشفايفي ؟
(الشامة اللي فجونسون من الروج )😂
لو عندك درجة روج جميله وتبغينها مات ممكن بكل سهوله تطبطبين على شفايفك ببودرة جونسون بعد ماتحطين الروج
وتحصلين الروج صار مات ... انا صراحة صرت اسويها حتى مع الارواج المات تعطي لوك مخملي للروج فظيع حبيته ..اذا تبغين اللون يكون افتح كثري.. واذا تبغين نفس اللون حطي شي بسيط..
بس انتبهي لاتكثري مررررره لانو ممكن يتكتل
وهنا الطريقة فيديو :
٣-كيف استخدمها لرموشي ؟
بصراحة هذي الطريقه انا توني اكتشفتها فمبهوره فيها .. خلتني افكر باحتماليه اننا نستخدم بودره جونسون
كلوس باودر من كثر ما انا خقيت هههههه
المهم الفكره انو تحطين الماسكارا بعدين تاخذين بودره جونسون باعواد اذان وتنثرينه ع الرمش من فوق وترجعين تحطين ماسكارا مره ثانيه ..
هذي الطريقه تخلي رموشك اثخن واحلى وتعطيك لوك كأنك مركبة رموش تقريبا ..
انا عني استخدم ماسكارا من برجوا عاجبتني كثييير بس تكتل عشان كذا قبل استخدمها امسح الزايد بمنديل ..
الطريقه هذي ماراح تخلي الماسكارا اقل تأثير بس بتقلل التكتل
وهنا الطريقة فيديو :
طبعا بدال الجونسون بودر تقدرين تستخدمين لوس بودر زي مافي روابط الفيديو
ليست هناك تعليقات:
إرسال تعليق